هاجوس في قلبي

࿔ ˓ ٱڵڛـ͟ـڵٱمَ ؏ـڵېـ͟ـڰم



قبل كم يوم ارسلي واحد مًنَ اخواني هالابيات يقول أبوي مرسلها لك







يقول أبو سعد :





الصدر ضايق يا سعد ولم الجيب ... وجميع مايحتاج له يالسنافي



هاجوس في قلبي يجي مر ويغيب ... أفز تالي الليل وأرمي اللحافي



عجل علي إن كان ...اني أطيب ... قدام لا أروح على الرجل حافي



نبي نشب النار وسط العراقيب ... حمر الطعوس الشامخات النظافي



نبعد عن اللي يشذبون العراقيب ... هراجتن بالناس بين وخافي



ثم سو لي فنجال يا منقع الطيب ... فنجال ما بين الفناجيل كافي



يجلى عن النفس العليلة لواهيب ... لاهوب في كبدي عن الناس خافي







ورديت عليه بالابيات التاليه :





يابو سعد مع ضيقتك فرحتي تغيب ... والجو ماهو جو لو كان صافي



يفداك منهو ما يعرف المواجيب ... ويفداك منهم بالمواقف ضعافي



ويفداك منهو بالقفاء دايم يعيب ... ناس لها قلبي وعقلي يعافي



ليا بغيت الدرب قل جهز الجيب ... والجيب لك يجهز بشكل احترافي



وتلقى التوانك راكبه والمراكيب ... ومن فوقها العزبه وعفش اضافي



نمشي على كيفك الين انك تطيب ... ويروح شي بالصدر ما يشافي



ومادام لي ما قلت نبغى المعازيب ... أنا على الطاره نويت إعتكافي .‏







أرجو ان تنال المشاركة على إعجابكم



ولكم مني كل الود والتقدير .